Villa kom upp við að senda skilaboðin. Reyndu aftur síðar eða hringdu!

Nafn fyrirtækis, sveitarfélags eða stofnunar

Takk fyrir við höfum samband innan skamms.

Eða slepptu þessu bara og hringdu núna:

Við verðum að vita hvað þú heitir svo þetta verði ekki of vandræðalegt

Kudungur

Við hjá Pure North erum þakklát og stolt yfir að hafa hlotið Kuðunginn 2024, umhverfisverðlaun Umhverfis-, orku- og loftslagsráðuneytisins, fyrir framúrskarandi störf að umhverfismálum. Verðlaunin eru veitt þeim sem hafa sýnt frumkvæði og árangur í náttúruvernd og sjálfbærni, og voru verðlaunin afhent við hátíðlega athöfn fyrr í dag.

“Í rökstuðningi dómnefndar fyrir valinu á Pure North sem handhafa Kuðungsins 2024 segir að fyrirtækið hafi með einstökum hætti markað sér sess sem leiðandi umhverfistæknifyrirtæki á Íslandi. Allt frá stofnun hafi fyrirtækið lagt áherslu á sjálfbærni, nýsköpun og ábyrgð í úrgangsmálum.

Pure North hafi með nýtingu jarðhita við plastendurvinnslu náð að draga úr kolefnisspori vinnslunnar um 82% miðað við sambærilega framleiðslu í Evrópu, sem gerir endurunnið plast þeirra með því umhverfisvænasta sem finnst á markaði. Þá hafi Pure North náð að loka endurvinnsluhringrásinni með því að hefja framleiðslu á vörum úr plastinu sem fyrirtækið fái inn til endurvinnslu.

Metnaðarfulla vinna Pure North við þróun úrgangslausna sé ekki síður lofsverð, líkt og hugbúnaðurinn „Úlli úrgangsþjarkur”, sem nýtir gervigreind til greina úrgangsgögn fyrirtækja og sveitarfélaga, og móttöku- og flokkunarstöðin „Auðlind” séu til vitnis um. Segir í úrskurði dómnefndar að með samþættingu Auðlindar við hugbúnaðinn Úlla hafi „Pure North skapað fyrirmyndar umgjörð fyrir skilvirka úrgangsstjórnun og hringrásarhugsun á Íslandi.“

Við erum þakklát og stolt af þessari viðurkenningu og sjáum hana sem hvatningu til áframhaldandi nýsköpunar og samvinnu í þágu sjálfbærni – fyrir Ísland og komandi kynslóðir.

Pure North hlýtur Kuðunginn, umhverfisverðlaun.

Pure North framleiðir fyrsta plastbrúsann úr íslensku endurunnu plasti – Markar tímamót í hringrás plastnotkunar á Íslandi

Pure North hefur slegið nýjan tón í sjálfbærri plastframleiðslu á Íslandi með framleiðslu fyrsta plastbrúsans úr endurunnu plasti sem fellur til hér á landi. Þetta markar stórt skref í átt að hringrásarhagkerfi þar sem plastúrgangur er endurnýttur á staðbundinn hátt og fær nýtt líf í stað þess að enda sem úrgangur.

Með þessari nýsköpun stuðlum við að minni plastmengun, drögum úr þörf fyrir innflutt plast og nýtum auðlindir á mun ábyrgari hátt.

Við erum afar stolt af þessum áfanga. Þetta sýnir að hægt er að loka plasthringrásinni innanlands og skapa raunverulegan virðisauka úr því efni sem áður var talið úrgangur og að auki erum við búin að framleiða umhverfisvænasta plastbrúsa í heimi með þeim hringrásarferlum sem vinnum í.

Þetta hefur verið langt ferli þar sem við höfum þróað aðferð til að gera þriggja laga brúsa með ítölsku hátæknifyrirtæki um árabil og þróað sérstakan búnað fyrir framleiðsluna á brúsunum. Þetta er fyrsta skrefið í endavöruframleiðslu hjá Pure North. 

Evrópusambandið hefur boðað að dregið verði úr kröfum um umhverfisskýrslur fyrir fyrirtæki. Tillagan er að fyrirtæki með færri en 1.000 starfsmenn eða veltu undir 50 milljónum Evra þurfi ekki að gefa eins ítarlega skýrslu um umhverfi og sjálfbærni eins og áður var sett fram.


Upprunalegu kröfurnar um umhverfisskýrslur hafa verið kynntar í gegnum flokkunarreglugerð ESB og tilskipun um sjálfbærni skýrslugerða fyrirtækja (CSRD). Reglugerðir þessar hafa haft það að markmiði að tryggja gagnsæi um sjálfbærnistarf fyrirtækja en hafa einnig verið gagnrýndar fyrir að vera kostnaðarsamar og flóknar.

Framkvæmdastjórn Evrópusambandsins leggur nú til breytingar á kröfum um skýrslugjöf. Breytingarnar fela meðal annars í sér einföldun á skýrsluformi, minni kröfur um smáatriði og hægari innleiðingu reglugerða.

Fyrirhugaðar ívilnanir eru sagðar vera skref í átt til að létta byrði fyrirtækja í sjálfbærniskýrslugerð.

Fyrirhugaðar breytingar þurfa að hljóta samþykki bæði ESB-þingsins og ráðherraráðs ESB áður en þær geta tekið gildi.

Pure North telur að þetta geti haft mikil áhrif á sjálfbærni þróun hér innanlands. Nú er tækifæri til að endurskoða sjálfbærnistefnur og það verður áhugavert að fylgjast með framþróun hjá Evrópusambandinu.


ESB boðar að dregið verði úr kröfum

ArticleCards

Leynist falinn fjársjóður
í þínu rusli?

Hundruðir ánægðra viðskiptavina tala sínu máli. Umsagnir viðskiptavina →

Hér geturðu fyllt inn í eyðublaðið til að fá útreikning á hve mikið þú getur fengið greitt fyrir þitt hráefni

Verðið miðast við hreint baggað plast í einingum sem hægt er að vigta

Sjá nánar um skil í spurt og svarað hér fyrir neðan

Móttaka á hráefni

Endurvinnslan

Endavörur

Upplýsingar

Pure North ehf

Samfélagsmiðlar

Vertu í slagtogi framfara

Hundruðir ánægðra viðskiptavina tala sínu máli. Umsagnir viðskiptavina →

Pure North hlýtur Kuðunginn, umhverfisverðlaun.

Umhverfisvænasti brúsi í heimi!

ESB boðar að dregið verði úr kröfum