Villa kom upp við að senda skilaboðin. Reyndu aftur síðar eða hringdu!

Nafn fyrirtækis, sveitarfélags eða stofnunar

Takk fyrir við höfum samband innan skamms.

Eða slepptu þessu bara og hringdu núna:

Við verðum að vita hvað þú heitir svo þetta verði ekki of vandræðalegt

Nú þegar nýtt ár er að renna í garð þá er gaman að líta yfir farin veg. Það gekk á ýmsu á árinu hjá okkur í Pure North. Við upplifðum bæði spennandi hæðir og nokkrar erfiðar lægðir eins og er við að búast í nýsköpun og þróunarverkefnum. Liðið ár hefur semsagt vægast sagt viðburðarríkt og langar okkur að segja ykkur viðskiptavinum , samstarfsaðilum og vinum stuttlega frá því sem við höfum verið að gera.

STÓRVERSLANIR LEIÐA LESTINA
Við héldum áfram samstarfi við SAMKAUP sem tók STÓR skref í úrgangsmálum hjá sér sem var virkilega gaman að taka þátt í og fylgjast með þeirra árangri, bæði í samdrætti í myndun úrgangs, betri flokkun og úrgangsmeðhöndlun á landsvísu.

Spennandi skref voru tekin á árinu þegar við opnuðum Pure North í Noregi og er Margrét Einarsdóttir framkvæmdastýra félagsins, en hún er búsett í Haugesund. Í lok árs skrifuðum við undir samning við stórfyrirtækið AIBEL um þjónustu og ráðgjöf í úrgangsmálum. Einnig hafa verið unnin úttektarverkefni fyrir fleiri Norsk fyrirtæki á árinu, og byrjar því ferðalagið okkar í Noregi vel.

Við innleiddum stór jarðgerðarkerfi bæði í Bönunum og Innnes á árinu sem gekk ekki snuðrulaust fyrir sig en með þolinmæði og útsjónarsemi fundum við nýjar lausnir og nú eru bæði fyrirtæki að hefja ummálsminnkun og jarðgerð innanhúss á ónýtum matvælum. 

Við lentum í bruna í plast endurvinnsluverksmiðjunni okkar í Hveragerði í sumar en betur fór en á horfðist og við náðum að koma framleiðslu aftur í gang eftir smá stopp.

Það stærsta sem gerðist í endurvinnslunni í Hveragerði var stór fjárfesting í brúsgerðaravél sem mun gera okkur kleift að skapa alvöru hringrás á plasti á Íslandi, þar sem endurunnið hráefni fer strax í framleiðslu á vörum fyrir íslenskan markað. Ótrúlega spennandi verkefni sem mun breyta leiknum og skapa alls konar möguleika. Við erum að koma vélinni af stað og stefnum á að koma fyrstu vörum á markað  í byrjun árs 2025. 

VINNA MEÐ SVEITARFÉLÖGUM
Í byrjun árs hófum við samstarf við Skeiða- og Gnúpverjahrepp sem eftir úrgangsúttekt hjá okkur, tók það stóra skref að gjörbreyta fyrirkomulagi á söfnun og jarðgerð lífræns úrgangs frá heimilum í sveitarfélaginu. Í stuttu máli taka nú íbúar virkari þátt í flokkun og söfnun, svo er allur lífrænn eldhúsúrgangur jarðgerður innan sveitarfélagsins. Það verkefni hefur gengið vonum framar og er sýnisdæmi fyrir önnur sveitarfélög í svipuðum hugleiðingum.

Við gerðum einnig ítarlega skýrslu fyrir Samband íslenskra sveitafélaga þar sem við greindum úrgangsmál fimm sveitarfélaga og urðum margs vísari á leiðinni um hvað má gera betur. Hægt er að skoða skýrsluna hér.

Einnig erum við með verkefni á dögunum með fleiri sveitarfélögum sem eru að taka úrgangsmálin föstum tökum. 

HIN FULLKOMNA HRINGRÁS
Krónan hóf að jarðgera ónýt matvæli í verslunum sínum og eru nú jarðgerðarvélar í 5 verslunum á höfuðborgarsvæðinu og er á áætlun að setja slíkt í allar Krónuverslanir á næstu misserum. Krónan setti svo á markað Krónumoltu síðasta vor þar sem viðskiptavinir gátu verslað einstaklega næringarríkan áburð til að rækta með, búin til í verslunum Krónunnar.

ÚRGANGSÚTTEKTIR BÆÐI SPARA OG MINNKA KOLEFNISSPOR
Við gerðum úrgangsúttektir í mörgum flottum fyrirtækjum, stofnunum og sveitarfélögum sem vildu fá yfirsýn yfir úrgangsmálin, þar á meðal Háskóla Íslands, Brimborg, Borgarbyggð, Suðurnesjabær, Húnabyggð, Midgard Adventure, Gæðabakstur, Múlakaffi ofl.

Þróun á úrgangs hugbúnaðnum okkar ÚLLA var í fullum gangi á árinu og var bætt við ýmsum nýjum fítusum og QR kóða kerfi sem mun lækka kostnað í losunum, svo eitthvað sé nefnt. 

Hugbúnaðurinn með hjálp sjálfbærniráðgjafa hafa sparað fyrirtækjum tugi milljóna með því að gefa þeim innsýn inn í úrgangsmálin og á sama tíma minnkað kolefnisspor þeirra. 

Við hófum einnig sölu á plasteiningum (e. plastic credits) sem svipar til kolefniseininga og eru vottaðar frá alþjóðlega fyrirtækinu VERRA. Þessar einingar gera fyrirtækjum kleift að sýna framleiðendaábyrgð í verki en fyrir það plast sem fyrirtæki setur á markað t.d. sem umbúðir getur sama fyrirtæki, keypt 1 plasteiningu hjá okkur og þar með tryggt endurvinnslu á 1 tonni af plasti. Við erum fyrsta plastendurvinnslan í Evrópu sem fær þessa vottun eftir langt og strangt ferli og nú geta fyrirtæki fjárfest í slíkum einingum.

Við erum nú komin með alþjóðlega vottun EPD (Environmental Product Declaration) ásamt vottunum um lok úrgangsfasa frá Umhverfisstofnun á lífrænan úrgang og plastendurvinnslu. 

Við styrktum teymið á árinu, bættum við starfsfólki og breyttum skipuriti félagsins. Þar var helst að Börkur Smári umhverfisverkfræðingur sem hefur starfað hjá Pure North um árabil tók við sem rekstrarstóri endurvinnslunnar í Hveragerði og Dagný Berglind Gísladóttir kom inn sem öflugur verkefnastjóri sölu- og markaðsmála í hugbúnaðar og ráðgjafaskrifstofuna í Grósku. Ég er óendanlega stoltur af teyminu og spennandi ár framundan þar sem mörg spennandi verkefni eru á döfinni.

Að lokum vil ég þakka öllum okkar viðskiptavinum, velunnurum, gestum okkar í Hveragerði og Grósku í Reykjavík, samstarfsaðilum hérlendis og erlendis fyrir árið sem er að líða og hlökkum til áframhaldandi samstarfs á næsta ári. Megi nýsköpun og þróun ná flugi og tryggja meiri verðmætasköpun á Íslandi!

Sigurður Halldórsson, Framkvæmdastjóri Pure North


Í tengslum við skýrslu sem Pure North gerði fyrir Samband Íslenskra Sveitarfélaga gerði atvinnulífið á Vísi umfjöllun um málið.

"Fyrir rúmu ári síðan samþykkti stjórn Sambands íslenskra sveitarfélaga að hrinda af stað verkefni um kostnað og tekjur sveitarfélaga vegna meðhöndlunar úrgangs. Enda ekkert launungarmál að kostnaður við sorphirðu hefur aukist verulega.

Markmið verkefnisins var að ná betri yfirsýn yfir stöðu og þróun sveitarfélaga síðustu árin. Pure North Recycle fór fyrir hluta af verkefninu, sem fól í sér að greina sorphirðu fimm sveitarfélaga tímabilið 2022-2023 með úrgangshugbúnaðinum sínum ÚLLA.

Þar mælist þó munurinn nokkuð mikill eða 136% á milli sveitarfélagsins með hæsta kostnaðinn á hvern íbúa, fyrir hirðu við heimili, í samanburði við sveitarfélagið sem greiðir lægsta kostnaðinn.

Í krónum og aurum þýðir þetta að af þessum fimm sveitarfélögum, er kostnaður á hvern íbúa fyrir sorphirðu 939 krónur á mánuði þar sem hann er lægstur, en 2.220 krónur á hvern íbúa hjá því sveitarfélagi þar sem hann er hæstur.

Vísir fjallar um skýrslu Pure North fyrir sveitarfélögin

Á dögunum var góð umfjöllun í Bændablaðinu um endurvinnslu á plasti og þá þar helst heyrúlluplasti því enn er verið að senda 24% af því erlendis til endurvinnslu, sem við gætum vel endurunnið í Hveragerði. Hér er brot úr greininni:

„Íslenska endurvinnslufyrirtækið Pure North í Hveragerði, stofnað árið 2016, endurvinnur í dag megnið af því heyrúlluplasti sem til fellur á Íslandi eða upp undir 2.000 tonn á ári. Er það eina fyrirtækið á Íslandi sem endurvinnur plast að fullu. Börkur Smári Kristinsson er nýsköpunar- og þróunarstjóri Pure North. Hann segir að mikið vatn hafi runnið til sjávar í frágangi og meðhöndlun á heyrúlluplasti frá því að fyrirtækið hóf starfsemi. „Við erum að sjá mikinn mun á viðhorfi til flokkunar og endurvinnslu og þar hafa bændur tekið stór skref í að bæta umgengni og meðhöndlun á heyrúlluplasti eftir að hægt var að endurvinna plastið á Íslandi.“ Hann telur þó að hægt sé að gera enn betur þar sem stjórnvöld hafi sett fram skýra sýn um að efla skuli innlenda endurvinnslu. „Þetta er stöðug vegferð sem við erum í. Hvort sem um er að ræða heyrúlluplast eða aðra strauma af efnum sem falla til í samfélagi okkar. Við erum á fleygiferð inn í hringrásarhagkerfi og stór hluti af því er að geta endurnýtt og endurunnið efni sem falla til í okkar daglega lífi. Hvatinn til að sækja þessi efni, meðhöndla þau, flokka og skila til endurvinnslu er mjög stór þáttur í að þetta geti gengið upp,“ segir Börkur og tekur fram að flutningsjöfnun sé óhemju mikilvæg.

„Að geta jafnað tækifæri allra að skila inn til okkar án þess að þurfa hreinlega að borga með því er eitthvað sem við börðumst mjög lengi fyrir. Það náðist loks í gegn fyrir um tveimur árum. Við erum því komin á þann stað að nú er flutningsjöfnun greidd frá öllum þessum stöðum og því fjárhagslegur hvati fyrir bændur, sveitarfélög og aðra aðila, sem vilja safna heyrúlluplasti, að koma því í endurvinnslu hjá okkur,“ segir Börkur

LESTU GREININA HÉR Í HEILD SINNI: Bændablaðið

ArticleCards

Leynist falinn fjársjóður
í þínu rusli?

Hundruðir ánægðra viðskiptavina tala sínu máli. Umsagnir viðskiptavina →

Hér geturðu fyllt inn í eyðublaðið til að fá útreikning á hve mikið þú getur fengið greitt fyrir þitt hráefni

Verðið miðast við hreint baggað plast í einingum sem hægt er að vigta

Sjá nánar um skil í spurt og svarað hér fyrir neðan

Endurvinnslan

Móttaka á hráefni

Opin gögn

Upplýsingar

Pure North ehf

Samfélagsmiðlar

Bylting í meðhöndlun
á lífrænum úrgangi

Vertu í slagtogi framfara

Hundruðir ánægðra viðskiptavina tala sínu máli. Umsagnir viðskiptavina →

Viðburðarríkt 2024

Vísir fjallar um skýrslu Pure North fyrir sveitarfélögin

Umfjöllun í Bændablaðinu

Endurvinnslan

Móttaka á hráefni

Opin gögn

Upplýsingar

Pure North ehf

Samfélagsmiðlar

Bylting í meðhöndluná lífrænum úrgangi

Vertu í slagtogi framfara

Hundruðir ánægðra viðskiptavina tala sínu máli. Umsagnir viðskiptavina →

Viðburðarríkt 2024

Vísir fjallar um skýrslu Pure North fyrir sveitarfélögin

Umfjöllun í Bændablaðinu

Bylting í meðhöndlun
á lífrænum úrgangi